Kosmiese Hart Bron – Kaartbeskrywing

Luister asseblief na my sagte fluisteringe, vertel die Kosmiese Hartbron vir jou. Jy het na my versorging gesoek, jy het dit in die buitewêreld gesoek, deur jou kreatiwiteit na jouself gesoek. Wat jy geskep het is so mooi, my Lemuriese Sterrekind, maar moet asseblief nie kontak met my, die Bron van jou Skeppings verloor nie.

Daar was tye wat iets dramaties gebeur het om jou momentum te stop, sodat jy jou kop sou draai en na my toe kyk. Daar was geleenthede waar jy diep emosioneel gevoel het, waar jou kreatiwiteit nie kon help om jou vrees te verlig nie. Daardie geleenthede is geskep deur jou Hoër Self, om jou aandag te trek na jou Kosmiese Hart Bron.

Los jou vrese, jou onsekerhede, jou woede. Jy kan 'n diep hartseer onder dit alles vind, 'n gebrek aan Liefde wat jou Innerlike Kind eens ervaar het. Word nou gekoester, my kind, gekoester deur die Bron wat jou Kosmiese Hart is, wat 'n eindelose voorraad van Liefde het. Hierdie Liefde sal jou balanseer en sentreer, en bowenal sal dit jou verbind met die Bron van Liefde en Selfliefde.

My roepings is soms subtiel, want hulle is van 'n sagte vibrasie wat nie inmeng met jou skeppings nie. Hierdie frekwensie kan ongemerk bly, solank jy op die oppervlak van 'n see van emosies is. Laat jouself toe om dieper te duik, om die Dolfyne te ontmoet en om jou te laat neem diep onder die oppervlak, in die Oseaniese Bronlig in. In die diepte van die water smelt alle vrese weg in die hoogste vibrasie van Liefde.